اليوم الصباح ، شغلت سيارتي متجه للدوام وطبعا ناسي الراديو من يوم امس الليل. وللأسف ناسيه على الإذاعة الجميلة ام بي سي اف ام. وبدينا وهاااات يابرنامج "صباح الرياض" وهات ياحركة السير للمرور. حنا سمعنا حركة السير والمرو وخلاص مافيه الا غاني اغنية في قفى الاغنية اللي قبلها حتى الأخبار اللي كانو يجيبونها على 7 ونص شالوها وماصارت تجي من كم يوم. انا اول مصبرني عليهم وعلى مصالتهم في الإذاعة انهم يجيبون الاخبار وبعدها لااخبار الرياضية ولا وش ابي بالنقيب حق حركة السير اللي كل يوم يقول نفس الكلام ويعيد نفس الكليشة، واذا صار حادث وصك الطريق يقول الجهات الامنية سيطرت على الموقف وحلت الزحام وتلقانا منتكين في الطريق نبي نوصل لدواماتنا.
واللي يبي يضحك يفتح الاف ام بعد العصر علشان يشوف الخرابيط حقت الشباب حقينا ما شاء الله عليهم في برنامج "مايطلبه المستمعون" شي يشرف صراحة ، كل واحد يقعد على الخط اللي دقيقته ب 7 ريال علشان يهدي فلانه وعلانه طبعا هذا نوع ، والنوع الثاني هم شللية الراديو اللي كل مادق واحد منهم قام يهدي للسته في يده ماتقل عن 15 شخص والربحان منهو؟؟؟
اسمحولي اقولها ام بي سي اف ام صارت
زبالة
6 comments:
من زمان ام بي سي زباله
يكفيك البنات الوقحات اللي يدقون
تقل نايمه على السماعه
والا العيال السعوديين حدث ولا حرج عاد انا خلقه ما اواطن هالاشكال المريضه
يدق وانواع التميلح والكلام الفاضي والمليان للمذيعه واللي جنب المذيعه واللي يسمعون واي احد
هماهم بس حريم!!!!!!!!!
على فكره نايس بلوق ويني عنه انا!!
:)
بسألك انت مركب سكربت على البلوق مخليته يفتح بسرعه ..
والله غريبه بس البلوق حقك اللي كذا
عزالله ماقلتي شي غلط يا "سعولة" والشكوة لله
ومن ناحية الترزز والتميلح على الحريم فهذا الطبع في كل قنوات الاتصال الفضائي عندنا
بالنسبة للبلوق ماحطيت فيه سكربت ولا شي، ، القضية كلها اني اخترت ستايل مافيه شي هو اصلا مافيه الا الكتابة والهيدر بس
welcome to the blogging world
and keep blogging ;-)
عندنا وعندكم خير ...:)
Mother:
Thnx but to tell ya the truth i'm not new in here...
anyway, thnx for your comment
q8tya:
الله يرزقنا بس
Post a Comment