الجو جناااان كثير جناااان

فكرة تقرقع في رأسي

كثير مااتسآئل وش حنا لاقين في الرياض؟

يعني صيف حار مغبر

عدد ايام الصيف الصافية تعدها على الاصابع

والأدهى هذا الشتاء

يعني المربعانية دافية نمشيها

البرد يدخل في الشبط نمشيها

يجي يوم حر في نص البرد نمشيها

لكن اللي صعبة امشيها

انه يجي اسبوع كله عج (غبار) وفي وسط البرد

مدري هذي صعبة

الأسبوع الماضي كله برد وعج بشكل عجيب

فعلا سؤال محير

وش لاقين في الرياض

أعتقد ان هذي من سحر هذي الأرض

نجد

صدق محمد الأحمد السديري يوم قال

انا من نجد ويكفيني هواها ... ويبرى لوعتي شربي لماها

وصدق البدر يوم قال

في الليالي الوضح ..

والعتيم الصبح ..

لاح لي وجه الرياض ..

في مرايا السحب ..

كفّها فلة جديله من حروف ..

وقصة الحنا طويلة .. فـ الكفوف

من نده عطر الرفوف ..لين صحاه ..

في ثيابك يا الف ليله..وفي الهبوب ..

انثنينا يا هبوب النعاس .. والحلم ..

ألف غصن من اليباس ..فز لاجلك .. وانثنى ..

اكسري الاوهام كاس ..والمواجع فموان عشقتيني انا ..

ما ابي من الناس .. ناس ..

ما علينا .. لو طربنا وانتشينا آه ..

ما ارق ( الرياض ) تالي الليل ..

انا لو ابي ..خذتها بيده ..ا ومشينا ..

خصلت فكرتي المقرقعة