الله لا يبلانا وش ذا النوم

الله لايبلانا وش ذا النوم

أمس قريت موضوع طريف في أحد المواقع الكندية للأخبار

الخبر يقول أنه في مركز الشحن في مطار الملك عبدالعزيز في جدة ، كان فيه عامل شحن اسمه محمد أحمد مصري. هذا العامل جاه والنوم وهو في مكان الشحن وقال مابدهاش ، خلني اخذلي غفوة. طبعا الرجال نام وطارت الطيارة لتركيا وتقريبا قبل لا توصل بشوي ماصحى علشان انه شبع من النوم ، لكن صحى لأن التكييف ماكان دافي. يوم قام الرجال أيقن انه في طيارة وبدا يزاعق ويستغيث الين طلعوه لما وصلوا المطار في تركيا. وقابلوه القنوات الاخبارية في المنطقة وهو المسكين كان مرتاع من السالفة كلها

المضحك في الأمر انهم لما اخذوه من المطار كان لابس اوفراوول برتقالي والناس عاد ماتبي الا الاشاعات

هذا الرابط للي يبي يقرى الموضوع

رابط الخبر

تحياتي ياحلوين

لورد بن سليت