خريف الهوى

بصراحة هالقصيدة الحرة ابطيت فيها وللحين ماخصلت منها ... بس اعتقد انها في اللحظات الاخراجية النهائية ولهذا السبب ماشفت حرج اني اشاركم فيها، اتمنى منكم تعطوني رايكم فيها بصراحة

وعلى فكرة تراه شعر حر او مايسمى بالغنائي وليس مقفى

خريف الهوى

راح العمر وماتت اغصان الشجر..

.وانطفى الحب وذاب ...

بس فيك حبي مااندثر

يا أول الحب القديم ...

وآخر الحب الجديد..

.ياأولي وآخري ...

يانهاية خافقي ...

لا تنطفي ولا تنثني ...

دامك معي في دفتري..

.اسقيك من قلبي حنان ...

واشبع معك ياخافقي

ياأول الحب القديم ...

وآخر الحب الجديد

ياأولي وآخري ...

يانهاية خافقي...

عطني عذر...

لجل انسى أيام العمر..

.لجل انسى جرحي والزمن..

.وبرسل اوراق العمر ...

واحرق سنيني قهر..

.وبسقيك من دمي دهر..

.وانساك وابحر في بحر...

شعري ومراكب دفتري

وابكتشف انه محال ...

ينساك قلبي لو سهر ...

ياأول الحب القديم ...

وآخر الحب الجديد ...

كيف الهوى لك ينهمر ...

مثل المطر لك ينهمر..

.ويسقى اوراق الشجر ...

لا جفت في سنين العمر ..

.وترجع الخضرة وتبين...

في قلب عاشقك القديم..

ومع العمر يرجع يبين ...

ضحك عاشقتك الحزين ...

وسط المدامع ضحكته ...

بانت وهو في عبرته...

القلب من جوا جريح ...

ومن الغثى مايستريح...

حبيبي ياقلبي الشقى ...

اعذرني لا صرت الشقي...

واشقيت قلبي من عناك ...

وبحبك حركت الفؤاد ..

.حبك مرسى مركبي ...

لجل اقدر اقفل دفتري ..

.واطوي الشعر الحزين ...

واثنيه داخل دفتري...

حبيبتي كلي أسف... بنساك ... بس في الحلم!!!

تحياتي

هاجر - عبدالرحمن